ചുംബന സമരം

ദാരിദ്ര രേഖയുടെ

അപ്പുറവും ഇപ്പുറവും നിന്ന്
ധനികൻ ദരിദ്രനെ
ചുംബിക്കാതെയും
ദരിധ്രന് ധനികനെ
ചുംബിക്കാനാവാത്തതുമാണ്
യെഥാർത്ഥത്തിൽ
ചുംബന സമരം ...!

രണ്ടു കവിതകൾ

വില

നുണ പറയരുതെന്ന്
എല്ലാവരും പറയും
നുണ പറയാൻ ഉള്ളതാണ്
നുണ പറയാൻ ഉള്ളതെല്ലെങ്കിൽ
സത്യത്തിനു പിന്നെ
എന്ത് വില...?!

നുണ

നുണ പറയരുതെന്ന്
എല്ലാവരും പറയും
നുണ പറയാൻ ഉള്ളതാണ്
നുണ പറയാൻ ഉള്ളതെല്ലെങ്കിൽ
പിന്നെ എന്തിനുള്ളതാണന്നു
നിങ്ങളൊന്നു പറഞ്ഞുതാ...!

സങ്കടം

എനിക്ക് സങ്കടമുണ്ട്.
കുടിയുണ്ട്
വലിയുണ്ട്
സർവ്വ തോന്നിവാസി
എന്ത് വേണമെങ്കിലും പറഞ്ഞോളു
പക്ഷെ
എനിക്കുണ്ട് ഏഴട്ടു പിള്ളാർ
ആണായിട്ടും പെണ്ണായിട്ടും
ഒന്ന് പെറാൻ ആയിട്ടുമുണ്ട്
എന്നിട്ടും ഈ മനുഷ്യരെല്ലാം
എന്തിനാണ്
ഇങ്ങിനെ പറയുന്നതന്നു
എനിക്ക് മനസ്സിലാകുന്നില്ല
'ഒന്നിനും പറ്റാത്തവനെന്നു'...!

മനസ്സ് ഹാജരുണ്ടോ...?

സൂര്യൻ
പക്ഷികൾ
വൃക്ഷങ്ങൾ
കടലുകൾ
പുഴകൾ....
ഈ ലോകത്ത് അവരല്ലാം
സന്തോഷത്തിലാണ്
അല്ലെങ്കിൽ
അവര് അവരുടെ
ജോലികൾ പരസ്പരം
കൈമാറിയെനേ....
ചിലപ്പോൾ
സാദാ സമയം
ഭാവിയിലേക്കും
ഭൂതത്തിലേക്കും
മനസ്സിനെ ചലിപ്പിക്കുന്നത്
കൊണ്ടാവാം
മനുഷ്യൻ വർത്തമാനത്തിലെന്നും
ദുഖിതനായിരിക്കുന്നത്...!

കൂലി വേല

എന്റെ അച്ഛൻ മരിച്ചത്
നിങ്ങൾ അറിഞ്ഞിട്ടുണ്ടാവില്ല
ഞാൻ മരിച്ചാലും
അത്ര തന്നെ..!
കൂലി വേല ചെയ്തു
മക്കളെ പോറ്റിയവന്
ചരിത്രത്തിലും വാർത്തയിലും
ഇടമില്ലല്ലോ...?
അല്ലെങ്കിലും
അദ്ധ്വാനിച്ചു മക്കളെ
പോറ്റുക എന്ന് കണ്ടത്തിയവൻ
ആരായിരിക്കും
എന്തായാലും അയാളൊരു
മഹാൻ ആയിരിക്കില്ല
ആയിരുന്നെങ്കിൽ
ചരിത്രത്തിന്റെ മൂലയിൽ
അയാൾക്കൊരു ഇടം കിട്ടിയേനെ
കൂടെ എന്റെ അച്ഛനും...!

ഗാസ

ചാവുന്നത്തിന്റെ
കലാരൂപങ്ങൾ
കഴിഞ്ഞെങ്കിൽ
നമുക്ക് അവരുടെ
ക്കല്ലറക്ക് മുകളിൽ
ഇങ്ങിനെ എഴുതിവെക്കാം
Rest in peace
അയ്യോ തെറ്റിപോയി
Rest in piece ...! 

വട്ടൻ

ആരാ പറഞ്ഞത്
നമുക്ക് വട്ടില്ലെന്നു
ചിലപ്പോൾ
ഭൂമി വട്ടത്തിൽ
തിരിയുന്നത് കൊണ്ടാവാം
എല്ലാ മനുഷ്യരിലും കുറച്ചു
വട്ടു ഉണ്ടാകുന്നത്...!

കണക്ക്

അച്ഛൻ കുട്ടിയോട്
ഒരു പള്ളി പൊളിക്കാൻ
ഒരാൾക്ക് പത്തു മിനുട്ടെങ്കിൽ
പത്തണ്ണം പൊളിക്കാൻ എത്ര മിനിറ്റ്
കുട്ടി തിരിച്ചു
അച്ഛാ അത് ക്രിസ്ത്യൻ പള്ളിയോ
മുസ്ലിം പള്ളിയോ...?

ഹരണം

എന്റെ കണക്കു കൂട്ടലുകളല്ലാം
പിഴച്ചു മകനെ
എന്റെ ഗതി നിനക്ക് വരരുത്
അച്ഛാ
നിങ്ങളുടെ പിഴച്ച കണക്കിലെ
ശിഷ്ടമല്ലേ ഞാൻ...!

E-കവികളോട്

പ്രകൃതിയെകൊന്നു തിന്നുന്ന
E-കാലത്തിലെ  കവികളെ
കാര്‍മേഘത്തിനുകണ്ണീര്‍ വറ്റിയതും,
കല്പക വൃക്ഷങ്ങളെ
വ്യവസായ വിപ്ലവകാരികൾ
അറുംകൊല ചെയ്തതും,
കടലും കരയും കലഹിച്ചതും ,
കാഴ്ച നഷ്ടപെട്ട കാറ്റ്
ഗതിമാറി അലഞ്ഞതും ,
വറ്റിപോയ പുഴകളെ ഓർത്തു
മലകൾ കരഞ്ഞു തളര്ന്നുറങ്ങുന്നതും,
E -ബന്ധങ്ങള്‍ മധുരംനുണഞ്ഞു
ഗര്‍ഭ പാത്രം പുഷ്പിച്ചതും
നിങ്ങളറിയുന്നില്ല
കാരണം
നിങ്ങളെപ്പോഴും എഴുതുന്നത്‌
E-കാലത്തേചുമരുകള്‍ക്കിടയില്‍ നിന്നാണ് !

ഊമ

മൌനെത്തെക്കാൾ നന്നായി
മനുഷ്യർക്ക് സത്യം പറയാൻ
അറിയില്ലെന്നറിഞ്ഞത് കൊണ്ടാവാം
ഊമ നമ്മളെ നോക്കി ചിരിക്കുന്നത്
അപ്പോഴും വാ തുറന്നാൽ
കള്ളം പറയുന്ന നമ്മൾ
പറഞ്ഞു കൊണ്ടേയിരിക്കും
എന്റെ വാചാലത കണ്ടു
ഊമ
അസൂയപ്പെടുകയാണെന്നു...!

മറുപുറം

പെണ്ണെ ,
പെറുന്നത് നീയന്നറിഞ്ഞിട്ടും
അവളെ /അവനെ
തന്തക്കു പിറക്കാത്തവരെന്നു
പറയും
അല്ലെങ്കിലും തന്തയിലല്ലല്ലോ
തള്ളയിൽ തന്നെയെല്ലേ പിറക്കുന്നത്‌ ...?

ശ്ശ്....! കട്ട് പവർ

പട്ടാപകൽ വിളക്ക് കത്തിച്ചു
ഏഥൻസ് തെരിവോരങ്ങളിലൂടെ
നടക്കുന്ന
ഡയോജനീസിനോട്
മലയാളി പറഞ്ഞു
ഇങ്ങോട്ട് വരൂ
വെളിച്ചംതരൂ
ഇവിടെ
മഴ പെയ്തിട്ടും പെയ്തിട്ടും
പവർകട്ടാണ്

സഹയാത്രികന്റെ പേകിനാവ്

വെളിക്കിരിക്കാൻ പോയ
പെണ്‍ കുട്ടികളെ
ബലാത്സഗം ചെയ്തു
തൂക്കിലേറ്റിക്കോട്ടെ

ജാതി മാറി കെട്ടിയവനെ
പച്ചക്ക് വെട്ടി
അഭിമാനം
കാത്തോട്ടെ

കാമുകനുമായി ജീവിക്കാൻ
അനുവദിക്കു എന്ന്
പറഞ്ഞവളെ
വെടിവെച്ചു കൊന്നോട്ടെ

വയർ ഒട്ടിയ അമ്മമാർ
സ്വന്തം കുഞ്ഞിനെ വിറ്റു
ഒരു നേരം
ഭക്ഷിചോട്ടെ

എന്റെ അച്ഛനും
നിന്റെ അച്ചനും ഒന്നാണെന്ന്
സ്വന്തം കുഞ്ഞിനോട്
അമ്മ പറഞ്ഞോട്ടെ

നമുക്ക്
പച്ച ബോർഡ്‌ നെ കുറിച്ചും
കാവിവൽക്കരണത്തെ കുറിച്ചും
സംസാരിക്കാം
അല്ലെങ്കിൽ മെസ്സിയോ നൈമറോ
കേമെനെന്നു തർക്കിക്കാം...

മരം

കാണുന്ന മരങ്ങളെല്ലാം
വില പറഞ്ഞു
മുറിച്ചുകടത്തി കാശുകാരനായ
ബാപ്പ മരിച്ചപ്പോൾ
ഖബറിന്റെ മീസാൻ കല്ലിനരികിൽ
ഒരു മരം നടാൻ
മകൻ ചുറ്റും നോക്കി.
ബാപ്പ കാണാത്ത
പച്ചയുടെ ഒരു തുരുത്ത്
ഇനി ഇവിടം ബാക്കിയുള്ളത്
ഈ പള്ളിക്കാടുകളാണ്
ദയവായി അതിൻമേൽ
കണ്ണുവെക്കല്ലേ മകനെ
ഇവിടെയെങ്കിലും
ഞങ്ങളൊന്നു തണൽ കിട്ടി
ഉറങ്ങിക്കോട്ടെ...! 

കൂട്ട് കെട്ട്

വെള്ളമടിച്ചു
ദേഹത്ത് വീണ
കൂട്ടുക്കാരനെ
ഉയർത്താൻ ശ്രമിച്ചപ്പോൾ
ആണ് എനിക്ക് ഒരു കാര്യം
മനസ്സിലായത്
നല്ല സുഹു്ത്തുക്കൾ എന്നും
ഒരു ഭാരമാണന്നു...!

പാവം ദൈവം

മതത്തിന്റെ പേര് പറഞ്ഞു
നിങ്ങൾ തല്ലി മരിച്ചോളു
പക്ഷെ ദൈവത്തെ കൊല്ലരുത്
പാവം ദൈവം
ബൈബിളിലും
ഖുർആനിലും
രാമായണത്തിലും
അലമാരയിൽ പൊടിപിടിച്ചു
ഉറങ്ങിക്കോട്ടെ....!

വൃത്തം മണ്ഡരി

ആരു പറഞ്ഞു
കവിതയിൽ വൃത്തം ഉണ്ടെന്നു
'വട്ടത്തിൽ ഇട്ടാൽ
അത് തന്നെ വൃത്തം '
അപ്പോൾ കവിതയിൽ
വൃത്തം ഇല്ലല്ലോ...?

മറയൂർ 0 km

ആർക്കാണ് ചേതം
ഉടൽമരം നഷ്ടപെട്ട വേരുകൾക്കോ.
കോടികൾ പോയാൽ
കൊടികൾ വരാറുണ്ട്
നീലെക്കെതിരെ ചുവപ്പ്
ചുവപ്പിനെതിരെ പച്ച
അങ്ങിനെ അങ്ങിനെ ....
ഇവിടെ ആരും ഇല്ലല്ലോ
എന്റെ മറയൂർ
ചന്ദനം നടന്നു പോയ വഴികളിൽ
അല്ലെങ്കിലും
ആർക്കാണ് ചേതം ഉടൽ മരം നഷ്ടപെട്ട
വേരുകൾക്കോ...?

തെരഞ്ഞടുപ്പ്

എന്റെ മാതാവേ
ഇവന്മാരുടെ ഇടയിലിട്ടു
എന്നെ ഇങ്ങനെ കഷ്ടപെടുതാണ്ട്
ഇവന്മാരെ കുറച്ചു
നേരത്തെ നിനക്ക്
വിളിച്ചു കൂടെ ...
വിളിക്കുമോ...
ങേ...ങേ....

# സഖാവ് ഇന്നസെന്റ് തെരഞ്ഞടുപ്പ് ശേഷം

നബിദിനം

നമുക്ക് ദൈവവും റസൂലും മതി
അവർ വേലികൾ കെട്ടിയിട്ടില്ല
മതിലുകൾ കെട്ടി ഉയർത്തിയിട്ടുമില്ല
ജാഥകൾ നടത്തി വഴി തടഞ്ഞിട്ടുമില്ല....!