E-കവികളോട്

പ്രകൃതിയെകൊന്നു തിന്നുന്ന
E-കാലത്തിലെ  കവികളെ
കാര്‍മേഘത്തിനുകണ്ണീര്‍ വറ്റിയതും,
കല്പക വൃക്ഷങ്ങളെ
വ്യവസായ വിപ്ലവകാരികൾ
അറുംകൊല ചെയ്തതും,
കടലും കരയും കലഹിച്ചതും ,
കാഴ്ച നഷ്ടപെട്ട കാറ്റ്
ഗതിമാറി അലഞ്ഞതും ,
വറ്റിപോയ പുഴകളെ ഓർത്തു
മലകൾ കരഞ്ഞു തളര്ന്നുറങ്ങുന്നതും,
E -ബന്ധങ്ങള്‍ മധുരംനുണഞ്ഞു
ഗര്‍ഭ പാത്രം പുഷ്പിച്ചതും
നിങ്ങളറിയുന്നില്ല
കാരണം
നിങ്ങളെപ്പോഴും എഴുതുന്നത്‌
E-കാലത്തേചുമരുകള്‍ക്കിടയില്‍ നിന്നാണ് !